ఉపచారము (రాగం భైరవి, త్యాగరాజు)

వల్లవి:
ఉపచారము జేసే వారున్నీరని మరవకురా

అనుపల్లవి:
కృప కావలెనని నే నీ కీర్తిని పల్కుచునుండగ

చరణం:
వాకిటనే పదిలముగా వాతాత్మజుడున్నాడని శ్రీకరులగు నీ తమ్ములు చేరియున్నారని
ఏకాంతమునను జానకి ఏర్పడియున్నదని శ్రీకాంతపరులెల్లని శ్రీ త్యాగరాజ వినుత

రామా కోదండరామా (త్యాగరాజు, రాగం భైరవి)

పల్లవి:
రామా కోదండరామా రామా కల్యణరామా

చరణం:
రామా సీతాపతి రామా నీవే గతి
రామా నీకు మ్రోక్కితి రామా నీ చేచిక్కితి

రామా నీకేవరు జోడు రామా క్రిగంట చూడు
రామా నేను నీవాడు రామా నాతో మాటాడు

రామ నామమే మేలు రామ చింతనే చాలు
రామా నీవు నన్నేలు రామ రాయడే చాలు

రామా నీదోక్కమాట రామా నాకోక్కమూట
రామా నీ పాటే పాట రామా నీ బాటే బాట

రామా నేనండైనను రామా వేరెంచలేను
రామా ఏన్నడైనను రామా బాయకలేను

రామా విరాజరాజ రామా ముఖజీత రాజ
రామా భక్తసమాజ రక్షిత త్యాగరాజ